புதுடெல்லி:
பிரதமர் நரேந்திர மோடி பங்கேற்கும் நிகழ்ச்சிகள் மற்றும் முக்கிய தலைவர்களுடன் இருக்கும் புகைப்படங்கள் போன்றவற்றை தனது டுவிட்டர் பக்கத்தில் அவ்வப்போது பதிவேற்றம் செய்து வருகிறார்.
அவ்வகையில், குஜராத் மாநிலத்தில் உள்ள கிர் வனவிலங்கு காப்பகத்தில் ஒரு சிங்கம் மரத்தின்மீது ஏறி நிற்கும் புகைப்படத்தை இன்று வெளியிட்டுள்ள மோடி, ‘கம்பீரமான கிர் சிங்கம், அருமையான புகைப்படம்’ எனவும் குறிப்பிட்டுள்ளார்.
புகைப்படக்கலையிலும் ஆர்வம் கொண்டவரான பிரதமர் மோடி, கிர் பகுதியில் உள்ள வனச்சரகர் திபக் வாகர் எடுத்த இந்த புகைப்படத்தை கலையார்வத்துடன் தனது டுவிட்டர் பக்கத்தில் வெளியிட்டுள்ளதாக சிலர் கருதும் அதேவேளையில், பல எதிர்க்கட்சிகள் தன்னை பாராளுமன்ற தேர்தலில் முற்றுகையிட்டுள்ள நிலையில் ‘எதையும் வெல்லும் குஜராத் சிங்கமாக நான் இருப்பேன்’ என்பதை மறைமுகமாக அவர் உணர்த்தியுள்ளதாகவே பலரும் கருதுகின்றனர். #MajesticGirLion #GirLion #Moditweet
